Касцёл Святых апосталаў Пятра і Паўла ў Гожы

Адвэнт- час радаснага чакання нараджэння Збаўцы.

   Адвэнт- час радаснага чакання нараджэння Збаўцы. Засталося зусім мала часу да свята. Трэба асаблівым чынам  кожнаму хрысціяніну задумацца над сваім жыццём: ці, сталі мы лепшымі? Ці жыве ў нашых сэрцах любоў ? Гэта той час , калі трэба задумацца аб прабачэнні.  Каб правільна падрыхтавацца да Божага Нараджэння павінны ачысціць сваю душу  од сораму: нянавісці, злосці, крыўды. Такім чынам мы зможам адкрыць годнасць сваёй асобы, асобы поўнай павагі парабачэння, гатовай прыняць народжанае Дзіцятка ў сваё сэрца.

   На працягу ўсяго Адвэнта ксёндз Павел заахвочвае кожнага парафіяніна быць лепшымі, добрымі, шчырымі. На Раратах з дзеткамі маліліся аб міры  ва ўсім Свеце, аб супакоі ў нашай краіне.

   Няхай  тыя апошнія дні да нараджэння Езуса будуць радаснымі і поўнымі веры, дабрыні, адкрытасці, упэўненасці ў Божай  любові да ўсіх нас.

   “ Няхай , як піша ў Апостальскім лісце Святы Айцец Францішак, цудоўны знак бэтлеемскіх ясляў, такі дарагі хрысціянскаму народу, заўсёды абуджае захапленне і здзіўленне”.  

   Хочацца ,каб кожны з нас, у вігілійны вечар ад усяго сэрца сказаў : ”Дзякуй Табе,  Божа, за Сына Твайго Езуса Хрыста. Дзякуй за любоў да ўсіх людзей!.