Касцёл Святых апосталаў Пятра і Паўла ў Гожы

Чацвёрты звычайны тыдзень багаты на святы і ўспаміны.

     Чацвёрты тыдзень багаты на                        святы і ўспаміны.

  У сераду, 2 лютага, перажывалі свята Ахвяраванне Пана .

     Успамінаецца прынясенне  Дзіцяці Езуса ў святыню для выканання абраду ахвяравання.

  Па традыцыі ў касцёле асвячалі свечкі- сімвал Езуса Хрыста, Які прынёс святло вечнай Праўды ўсім народам.

   Гэтыя свечкі маюці назву “ Грамнічныя”- яны сімвалізуюць Марыю, пакорную слугу Пана , поўную ласкі , у душы якой гарыць святло веры.

  Грамнічныя свечкі запальваюць у час  стыхійнай небяспекі і ў час смерці.

  Дзень 2 лютага – гэта яшчэ і Дзень кансэкраванага жыцця. У  святыні вернікі на чале з ксяндзом Паўлам малілісь за асобаў , якія прысвяцілі сваё жыццё служэнню Богу.

 3 лютага - літургічны ўспамін святога Блажэя, біскупа, мучаніка. 

   У гэты дзень таксама асвячаюцца свечкі, якія называюцца “блажэйкі”.

Ксёндз Павел удзяліў благаслаўленне вернікам: яно ахоўвае ад хваробаў горла, а таксама ад усялякага зла.

 Літургічны ўспамін святой Агаты, панны, мучаніцы, прападае на 5 лютага.

Згодна з традыцыяй, у дзень яе ўспаміну асвячаецца “хлеб святой Агаты” ,а таксама вада і студні.